जिल्हा सैनिक कल्याण कार्यालय येथे अशासकीय पदांची भरती

सोलापूर दि.20 (जिमाका) :- जिल्हा सैनिक कल्याण कार्यालय, सोलापूर यांचे अधिपत्याखालील सैनिकी मुलां/मुलींचे वसतिगृह, सोलापूर येथे अशासकीय पदे भरावयाची असुन ,सैनिकी मुलींचे वसतिगृह, सोलापूर येथे अशासकीय सहाय्यक वसतिगृह अधिक्षीका-01 मानधन रुपये 24875 प्रतिमहा. उमेदवार हा युध्द विधवा किंवा माजी सैनिकाची विधवा पत्नी असावी. उमेदवारास मराठी व इंग्रजी टंकलेखन व संगणक हाताळणीचे ज्ञान असणे आवश्यक आहे.

तसेच अशासकीय पहारेकरी-01 मानधन रु.20886/- प्रतिमहा. पहारेकरी पद हे माजी सैनिक प्रवर्गातून भरावयाचे असून पद भरतीसाठी माजी सैनिक यांना प्राधान्य देण्यात येईल. तसेच माजी सैनिक उपलब्ध न झाल्यास नागरी जीवनातील उमेदवारांचा विचार केला जाईल, पहारेकरी पदाचा अनुभव असणा-यांना प्राधान्य देण्यात येईल. तसेच सदरील पद हे निवासी आहे. पहारेकरी पदासाठी नियुक्त झालेल्या उमेदवाराने रात्रीचा पहारा देणे व मुक्कामी रहाणे आवश्यक आहे.

 तसेच अशासकीय माळी पद -01, मानधन रु.13,089/- प्रतिमहा. माळी पद हे माजी सैनिक प्रवर्गातून भरावयाचे असून पद भरतीसाठी माजी सैनिक यांना प्राधान्य देण्यात येईल. तसेच माजी सैनिक उपलब्ध न झाल्यास नागरी जीवनातील उमेदवारांचा विचार केला जाईल. माळी पदाचा अनुभव असणा-यास प्राधान्य.

तरी सोलापूर जिल्यातील पात्र व इच्छुक माजी सैनिक, युध्द विधवा व माजी सैनिकाची विधवा पत्नीनी आपले अर्ज सैनिक सेवेची व इतर शैक्षणिक कागदपत्रे दि. 26 जून 2025 पूर्वी या कालावधीत जमा करावी त्यानुसार दि.26 जून 2025 रोज मुलाखती घेण्यात येतील. तसेच उमेदवारांनी मुलाखतीस येताना मुळ कागदपत्रे सोबत आणावीत .

तरी सोलापूर जिल्ह्यातील पात्र व इच्छूक माजी सैनिक, युध्द विधवा व माजी सैनिक विधवा पत्नींनी याचा जास्तीत जास्त लाभ घ्यावा असे आवाहन जिल्हा सैनिक कल्याण अधिकारी, सोलापूर यांनी केले आहे.

                                            0000