जिल्हा कारागृहामध्ये प्रासादिक किर्तन सोहळा संपन्न.सोलापूर दि. 02 (जिमाका) :- जिल्हा

 कारागृहामध्ये आज दि.02 फेब्रुवारी 2026 रोजी वै. मामासाहेब दांडेकर वारकरी सेवा संघ , आळंदी देवाची आणि सोलापूर जिल्हा कारागृह यांच्या संयुक्त विद्यमाने बंदी बांधवांचे मनोरंजनातून प्रबोधन व्हावे , या उद्देशाने ह.भ.प. श्री निलेश महाराज झरेगांवकर यांच्या भक्तीमाधुर्यात प्रासादिक किर्तनसोहळ्याचे आयोजन करण्यात आले होते. सदर कार्यक्रम अपर पोलीस महासंचालक व महानिरीक्ष, कारागृह व सुधारसेवा , महाराष्ट्र राज्य पुणे सुहास वारके यांच्या मार्गदर्शनाखाली व विशेष कारागृह महानिरीक्षक (मुख्यालय) योगेश देसाई , कारागृह उपमहानिरीक्षक (पश्चिम विभाग) सुनिल ढमाळ यांच्या प्रेरणेने सोलापूर जिल्हा कारागृह मध्ये घेण्यात आला.

  या प्रासादिक किर्तन सोहळ्यामध्ये हभप श्री निलेश महाराज झरेगावकर यांनी रामायण व महाभारत यामधील विविध मार्मिक उदाहरणे देऊन जीवनात झालेली चुक आणि जीवनातील नकारात्मक विचार दूर ठेऊन या पुढे चांगले सन्मानाने जीवन जगावे याबाबत प्रासादिक किर्तन सोहळ्याच्या माध्यमातून प्रबोधन केले. या किर्तनसोहळ्या करिता पेटी वादक कैलास चिंचोलकर, तबला वादक दत्ता तापडीया , गायक दत्ता पाथरूडकर यांनी साथ दिली.

 या कार्यक्रमाकरिता कारागृह अधीक्ष सुशील कुंभार, वरिष्ठ तुरूंगअधिकारी हिदायत तांबोळी, तुरूंग अधिकारी बिरू खळबुटे, निलेश गायकवाड, विठ्ठल शिंदे, कारागृह अधिक्षक अंगद गव्हाणे, वारकरी सेवा संघाचे जिल्हाप्रमुख अमोल सुतार तसेच कारागृह अधिकारी व कर्मचारी व सर्व बंदी बांधव उपस्थित होते.                                              

0000