सोलापूर दि. 19 (जिमाका):- सोलापूर ग्रामीण जिल्ह्याच्या हद्दीमध्ये (पोलीस आयुक्तालय हद्द वगळून) सर्वत्र शांतता आणि सार्वजनिक सुरक्षितता राखण्यासाठी दिनांक 21 डिसेंबर 2025 रोजीचे 20.00 वाजलेपासून ते दिनांक 5 जानेवारी 2026 रोजी रात्री 20.00 वाजेपर्यंत या आदेशानुसार पाच किंवा पाचहून जास्त लोक एकत्र येण्यास बंदी घालत आहे. महाराष्ट्र पोलीस अधिनियम कलम 37(1) (अ ते फ) व 37 (3) अन्वये मनाई आदेश लागू करण्यात आलेले आहेत. असे प्र. अपर जिल्हादंडाधिकारी संतोषकुमार देशमुख यांनी याबाबतचे आदेश जारी केले आहेत.
या आदेशानुसार शत्रे, सोटे, तलवारी, भाले, दंडे, सुरे, काठी किंवा झेंडा लावलेली काठी किंवा शरीरास ईजा करण्याकरिता वापरता येईल अशी कोणतीही वस्तु बरोबर नेणे. आणणे दगड अगर तत्सम वस्तु, शस्त्रे हाताळणे, अगर त्याचा फेकून मारण्यासाठी उपयोग करणे. कोणताही ज्वालाग्राही अगर स्फोटक पदार्थ वाहून नेणे. दगड किंवा इतर क्षेपणास्त्रे, किंवा क्षेपणास्त्रे सोडावयाची किंवा फेकावयाची उपकरणे किंवा साधने जवळ बाळगणे, जमा करणे किंवा तयार करणे. व्यक्ती अगर त्यांची प्रेतयात्रा, प्रतिमा यांचे प्रदर्शन करणे. सार्वजनिक घोषणा करणे. असभ्य हावभाव करणे, ग्राम्य भाषा वापरणे, सभ्यता अगर नितीविरुध्द निरनिराळ्या जाती जमातीच्या भावना दुखावल्या जातील त्यामुळे त्यांच्यात भांडणे बखेडे निर्माण होवून शांततेस बाधा होईल अशी सोंगे अगर चिन्हे कोणताही जिन्नस तयार करून त्याचा प्रसार करणे.
या हुकुमाचे खंड अ ते फ ज्या सरकारी नोकरांना त्यांची कर्तव्ये अधिकार बजाविताना उपरनिर्दीष्ठ वस्तु हाताळाव्या लागतात आणि ज्या व्यक्तींना जिल्हादंडाधिकारी, पोलीस अधिक्षक (ग्रामीण), उपविभागीय दंडाधिकारी, उपविभागीय पोलीस अधिकारी, पोलीस निरिक्षक, दुय्यम पोलीस निरीक्षक यांनी दिलेल्या परवानगीस लागू पडणार नाही. असे प्र. अपर जिल्हादंडाधिकारी संतोषकुमार देशमुख यांनी प्रसिद्धी पत्रकाद्वारे कळविले आहे.
हा हुकुम अत्यावश्यक सेवा, सरकारी कामकाज बजावणाऱ्या यंत्रणांना लागू होणार नाही. तसेच ज्या प्रकरणी जिल्हादंडाधिकारी, पोलीस अधिक्षक (ग्रामीण), उपविभागीय दंडाधिकारी, उपविभागीय पोलीस अधिकारी, पोलीस निरिक्षक, दुय्यम पोलीस निरीक्षक यांनी पूर्व परवानगी दिली आहे. अशा यात्रा स्थळे व तत्सम प्रकरणांपुरते लागू होणार नाही. असे पत्रकात नमूद आहे.
0000000
0 Comments